Astanadaǵy jataqhanada gaz ballony jarylyp, onyń saldarynan 4 eresek adam men 6 bala zardap shekti
ASTANA. QazAqparat - Astana qalasyndaǵy jataqhanada gaz ballonynyń jarylýy saldarynan arasynda 6 bala bolǵan 10 adam zardap shekti.
«21 qarasha kúni saǵat 13:43-te Astanada 101 qyzmetine órt týraly habarlama kelip tústi. Oqıǵa ornyna eki mamandandyrylǵan órt sóndirý bólimi bólimsheleriniń mamandary shyqty. Olar oqıǵa ornyna kelgen kezde, jataqhana etip qaıta salynǵan 2 qabatty kottedjdiń birinshi qabaty órtengeni belgili boldy. Bólmelerdiń birinde 15 sharshy metr jerde úı zattary men jıhaz órtenip jatqan», - dep habarlady QR ІІM TJK-niń resmı ókili Rýslan Imanqulov.
Aldyn ala nusqa boıynsha, órttiń shyǵýyna gaz ballonynyń jarylýy sebep bolǵan. «Gaz ballonynyń jarylǵanyn kýágerler de rastap otyr. Órt sóndirýshiler ǵımarattan barlyǵy alty ballondy alyp shyqqan. Jarylys saldarynan 10 adam: 4 eresek adam men 6 bala zardap shekti. Olar aýrýhanaǵa jetkizildi», - dep naqtylady ol.
Órt saǵat 14:44-te sóndirilgeni atap ótiledi.
