Astanadaǵy «Jasyl oram» jobasynyń ózindik quny 1 sharshy metrine 1,8-2,2 myń dollardy quramaq

ASTANA. 31 shilde. QazAqparat - "Jasyl oram" jobasynyń ózindik quny 1 sharshy metrine 1,8-2,2 myń dollardy quraıdy. Bul týraly búgin "Samuryq-Qazyna" Jyljymaıtyn múlik qory" AQ Basqarma tóraǵasynyń mindetin atqarýshy Baqytjan Asqarov málim etti.

"Jasyl oram" jobasynyń qurylysy boıynsha, qazirgi ýaqytta baıqaýdyń jeńimpazyn anyqtaý, nysannyń salynatyn orny, qarjy kózi men qurylys syndy máseleler qaldy. Qurylystyń esep nobaıy, ýaqyty men qurylystyń merzimi anyqtaldy. Aldyn ala esepter kórsetip otyrǵanyndaı, 1 sharshy metri 1800-2200 dollar shamasynda bolmaq. Bul onyń "Qoljetimdi baspana" baǵdarlamasyna enbeıtinin bildiredi. Soǵan oraı qarjy kózin anyqtaý qajet bolyp tur", - dedi ol.