Astanadaǵy jas teatr respýblıkada eń úzdik atandy
ASTANA. 25 qyrkúıek. QazAqparat - Ataqty rejısser, KSRO halyq ártisi, Halyq qaharmany Ázirbaıjan Mámbetovtiń 80 jyldyǵyna arnalǵan HH respýblıkalyq teatrlar festıvali ótti.
Bıylǵy bas syılyq ashylǵanyna tek 5 jyl ótken Astanadaǵy «Jastar» teatrynyń ujymyna buıyrdy. Sonymen qatar olardyń «Revızor» qoıylymy «Eń úzdik spektakl» atalymy boıynsha birinshi oryn aldy.
«Biz festıvalge Nıkolaı Gogoldiń klassıkalyq shyǵarmasy «Revızordy» apardyq. Ol shyǵarmany múldem bólek qoıyp shyqtyq, jastarǵa arnap jasadyq, sıýjeti sol bolǵanmen, maqamy ózgeshe. Spektakl azdap mıýzıklǵa jaqyn boldy. Biz orystardyń emes, ózimizdiń mentalıtetke jaqyn etip jasaýǵa tyrystyq», - dep atap kórsetti teatr rejısseri, Qazaqstannyń eńbek sińirgen óner qaıratkeri Nurqanat Jaqypbaı QazAqparat tilshisine bergen suhbatynda.
Baıqaý 16-23 qyrkúıek aralyǵynda Oral qalasynda ótken bolatyn. Oǵan 14 oblystan jáne Astana men Almaty qalalarynan otandyq teatr ujymdary qatysty.
