Astanadaǵy jarystyń irikteý satysynda bes qazaqstandyq tennısshi baq synaıdy

ASTANA. QazAqparat – Astanada ITF World Tennis Tour «BeeTV 60 Women's» týrnıriniń irikteý satysynda bes qazaqstandyq tennısshi baq synaıdy, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, jarysty uıymdastyrýshylar elimizdiń jas oıynshylaryna wild card berdi.

Dana Baıdáýlet reseılik Sofıa Lansaremen sheberlik baıqasady. Erkejan Arystanbekova taǵy bir reseılik Ekaterına ıAshınamen oınaıdy. Aııa Nupbaı reseılik Tatıana Prozorovadan ótýge tyrysyp kóredi. Sandýǵash Kenjebaeva ulybrıtanııalyq Anna Brogan, Janel Rústemova grýzııalyq Sofıa Shapatovamen kezdesedi.

Oıyndar búgin Beeline Arena ulttyq tennıs ortalyǵynda elorda ýaqytymen saǵat 10.00-de bastalady. Matchtar Qazsport jáne Bee TV-diń Insport sporttyq bóliminde tikeleı efırden kórsetiledi.

Eske sala keteıik, budan buryn Anna Danılınanyń Astanadaǵy jarystyń jeńimpazy atanǵanyn jazǵan bolatynbyz.