Astanadaǵy jarylys: Qutqarýshylar jalyn arasynan 25 gaz ballonyn alyp shyqty
ASTANA. QazAqparat - Astanadaǵy órt pen gaz toltyratyn rezervýardyń jarylystyń anyq-qanyǵy belgili boldy, dep habarlaıdy QazAqparat Astana qalalyq TJD baspasóz qyzmetine silteme jasap.
«Búgin 19:44-te 101 pýltine Aqjol kóshesi 26 mekenjaıy órtenip jatqany týraly qońyraý shalyndy. Oqıǵa ornyna shuǵyl jetken Órt sóndirý qyzmetiniń kezekshi bólimshesi 19:51-de QazǴZI aýmaǵynda aǵashtan salynǵan qosymsha jaıdyń 40 sharshy metri órtenip jatqanyn anyqtaǵan. Sondaı-aq gazdyń shyǵyp ketýi saldarynan gaz toltyrylatyn rezervýar janǵan»,-dep habarlady TJD.
DJD aqparatyna qaraǵanda, tilsiz jaýdy aýyzdyqtaý barysynda órt sóndirýshiler 25 gaz ballonyn alyp shyqqan. Órttiń sebep- saldary anyqtalýda.
Órt sóndirýge jeke quramnyń 5 tehnıkasy men 31 adamy jumyldyryldy. Tilsiz jaý 21:30-da sóndirildi.
