Astanadaǵy jármeńkelerde azyq-túlik ónimderi jeńildetilgen baǵamen satylýda
ASTANA. QazAqparat - Apta saıyn Astanada qala turǵyndary men qonaqtary úshin aýyl sharýashylyǵy ónimderiniń jármeńkeleri ótip jatyr.
Atalmysh jármeńkeler elordanyń úsh birdeı aýdanynda uıymdastyrylýda. Abylaı han dańǵyly, Saýran kóshesi jáne Jeńis dańǵylynyń boıynda "Mereı" bazarynda kez kelgen qala turǵyny jeńildetilgen baǵamen azyq-túlik ónimderin satyp ala alady.
Astana qalasy Aýyl sharýashylyǵy basqarmasynyń habarlaýynsha, qazirgi kezde osy ispetti 26 jármeńke ótkizilip, Astana men Aqmola óńiriniń taýar óndirýshileriniń jalpy somasy 82,9 mln teńgeni quraıtyn 273,5 tonna ónimi satyldy, dep habarlaıdy astana.kz.
