Astanadaǵy jármeńkeler aýyldardaǵy dıqanshylardyń jaz boıy atqarǵan eńbegin elge pash etýge negizdelgen - I. Tasmaǵambetov
ASTANA. QazAqparat - Elordadaǵy jármeńkedegi ónimder baǵasy orta esepppen alǵanda 20 paıyzǵa tómen bolady. Bul týraly búgin Astanadaǵy jármeńkede qala ákimi Imanǵalı Tasmaǵambetov málim etti.
«Astanadaǵy qalyptasqan dástúrli jármeńkemiz jalǵasýda. Búgin barsha musylmandar úshin qasıetti Qurban aıt kúni Qaraǵandy jáne Aqtóbe oblystary óziniń jármeńkesin elordada ótkizýde. Baıqaǵanymyzdaı alańǵa el qaýmalap kelip jatyr. Eki oblys aýmaǵynda óndirilgen ónimder astanalyqtarǵa usynylýda. Bul turǵyda eń bastysy - aýyl men qalany jaqyndastyrý máselesi eskerilip otyr, ıaǵnı eldiń birligin kórsetýge negizdelgen. Jármeńkeni uıymdastyrý maqsaty - aýyl-aımaqtarda qyzmet etip jatqan dıqanshylardyń jaz boıy atqarǵan eńbegin elge pash etý», - dedi qala ákimi.
I. Tasmaǵambetovtiń sózine qaraǵanda, jármeńkedegi ónimder baǵasy orta esepppen alǵanda 20 paıyzǵa tómen.
Aıta keteıik, búgingi sharaǵa Qaraǵandy oblysynan 500 tonna, al Aqtóbe oblysy 400 tonnaǵa jýyq aýyl sharýashylyq jáne óńdeý ónerkásibi ónimderin alyp keldi.
