Astanadaǵy jármeńkede pavlodarlyqtardyń ónimi ekologııalyq taza paketke salynady
PAVLODAR. QazAqparat - Pavlodar oblysynyń saýdagerleri et pen kókónis ónimderin óńirdiń emblemalary qoıylǵan paketterge oraıtyn bolady, dep habarlaıdy QazAqparat tilshisi.
«Saýdagerler et pen kókónisti Pavlodar oblysynyń emblemalary salynǵan ózdiginen ydyraıtyn plastıkten jasalǵan ekologııalyq taza paketterge oraıdy. Budan bólek, barlyq pavılondar bir stılde bezendirilip, saýdagerler men qyzmetkerler biryńǵaı forma kıedi», - dedi Pavlodar oblysy ákimdiginiń ókili.
Pavlodar oblysy ákimshiliginiń málimetine sáıkes, pavlodarlyq fermerler shamamen 500 tonna ónim ákelýdi josparlap otyr. Olardyń qatarynda 18,7 tonna sıyr eti, 10,5 tonna jylqy eti, 2,5 tonna qoı eti, 5 tonna qus eti, 220 tonna kartop, 80 tonna kókónis pen 130 tonnadan astam aýylsharýashylyq ónimderi bar.
Eske salaıyq, elordada jaqyn kúnderi aýyl sharýashylyǵy jármeńkesi ótedi dep josparlanyp otyr. Saýda qatarlary Q.Munaıtpasov kóshesindegi «Qazaqstan» sport kesheniniń kólik turaǵynda ornalasady. Jármeńkege Pavlodar oblysynan 100-den astam kásiporyn qatysady. Atap aıtqanda, Qazaqstanǵa tanymal «Rýbıkom» JShS, «KEMMI» JShS, «Aqjar - Óndiris» JShS, «REGTaım» ShQ, «Krendel» JShS, «Zernograd» JShS, «Galıtskoe» JShS, «Sharbaqty Qus» JShS, «Pobeda» JShS, «Aqtoǵaı Agro» JShS, «Tımýr» ShQ, «Qaırat» ShQ sııaqty pavlodarlyq kásiporyndar ózderiniń ónimderin usynatyn bolady.
