Astanadaǵy jármeńkede balalar taýarlary 30% tómen baǵamen satylýda
Búgin kórme-jármeńkeni QR Premer-Mınıstriniń orynbasary Eraly Toǵjanov ta aralap kórdi.
Qazir Úkimet tapsyrmasymen barlyq óńirde tómendetilgen baǵamen mektep jármeńkeleri, sondaı-aq mektep avtodúkenderiniń shalǵaı aýyldarǵa shyǵýy uıymdastyrylǵan. Olardyń alǵashqysy astanadaǵy EXPO halyqaralyq kórme ortalyǵynyń alańynda ótýde.
«Kids EXPO. Balalar álemi « – bul kitap, keńse, toqyma, bilim berý jáne oıyn-saýyq ındýstrııasy ókilderin, balalar men olardyń ata-analaryna arnalǵan taýarlar men qyzmetterdi bir alańda biriktirýge múmkindik bergen alǵashqy iri joba. Munda 5 kún ishinde otandyq taýar óndirýshiler, kompanııalar men iri brendter arasynan 100-ge jýyq qatysýshy óz taýarlaryn satady.
Vıtse-premer mundaı kórme-jármeńkeler ata-analarǵa balalaryn aldaǵy oqý jylyna daıyndaý úshin óte yńǵaıly ekenin, usynylǵan assortıment qoljetimdi baǵamen satylyp jatqanyn atap ótti.
30-ǵa jýyq kompanııa óz ónimderin 30% deıin tómen baǵamen usynýda.
Jármeńkede mektep kerek-jaraqtary men balalar taýarlaryn satyp alyp qana qoımaı, ýaqytty qyzyqty ótkizýge bolady – bul úshin balalarǵa arnalǵan arnaıy aımaqtar men oıyn-saýyq uıymdastyrylǵan. Munda 18 aqparattyq, 22 mádenı jáne 22 sporttyq is-shara, sondaı-aq 20 ART sheberlik sabaqtaryn ótkizý josparlanǵan. Іs-sharalardyń jalpy sany 80-nen astam.
Balalar taýarlarynyń « KIDS EXPO.Balalar álemi» jármeńkesiniń eki kúninde kelýshiler sany 20 myńnan astam adamdy qurady. Uıymdastyrýshylar jármeńkeni jyl saıyn ótkizýdi josparlap otyr.
Kórmemen tanysý barysynda Eraly Toǵjanov memlekettik organdarǵa barlyq óńirlerde osyndaı formattaǵy jármeńkeler uıymdastyrýdy tapsyrdy.