Astanadaǵy jármeńkede Atyraý jáne Batys Qazaqstan oblystary óz ónimderin usynady

ASTANA. QazAqparat – Osy demalys kúnderi, 24 jáne 25 qyrkúıekte elordada ótetin aýyl sharýashylyǵy jármeńkesinde Atyraý jáne Batys Qazaqstan oblystarynyń taýar óndirýshileri óz ónimderin usynady, dep habarlaıdy QazAqparat qala ákimdigine silteme jasap.

«Elordada demalys kúnderi ótetin jármeńkede eki oblys 47-den astam taýar túrin usynady. Agrarshylar 220 tonna ónim tasymaldaıdy, onyń ishinde: 90 tonnadan astam sıyr eti men jylqy eti, 44 tonna balyq, 17 tonna un men makaron ónimderi, 15 tonna kókónis, 10 tonna kartop, 10 tonna shujyq jáne konservi ónimderiniń túrleri, 5 tonna ósimdik maıy, 5 tonna sút ónimderi, 2 tonna jemister men jıdekter, 36 myń dana jumyrtqa, sondaı-aq 21,7 tonna basqa da ónimder. Sonymen qatar, jármeńke qonaqtary úshin kontserttik baǵdarlama daıyndaldy», - delingen qala ákimdiginiń saıtynda.

Aıta ketsek, aýyl sharýashylyǵy ónimderiniń jármeńkesi ár senbi jáne jeksenbide 13 qarashaǵa deıin ótedi. Ótetin orny: Turan, 48 meken-jaıy boıynsha ornalasqan «Astana-Arena» stadıonynyń janyndaǵy alań. Kelesi ónimdi Shyǵys Qazaqstan jáne Abaı oblystarynyń kásipkerleri 1-2 qazan kúnderi usynady.