Astanadaǵy jármeńkede Aqmola oblysynyń ónimderi arzan baǵamen satylady

ASTANA. QazAqparat – 29-30 qazan kúnderi elordada Aqmola oblysynyń aýylsharýashylyǵy ónimderi jármeńkesi ótedi, dep habarlaıdy QazAqparat tilshisi.

Aqmola oblysy aýyl sharýashylyǵy jáne jer qatynastary basqarmasy basshysynyń orynbasary Hasym Itkýsov elorda ákimdiginde brıfıng ótkizdi.

«Atalǵan jármeńkede aqmolalyq óndirýshiler shamamen 850 tonnadan astam túrli ónim usynady. Qala turǵyndary men qonaqtary Aqmola oblysynyń 50-den astam azyq-túlik taýaryn satyp ala alady. Baǵalar naryqtan 10-15 paıyz tómen bolady», - dedi ol.

Spıker atap ótkendeı, aqmolalyq fermerlerdiń ónimi elorda turǵyndaryna jaqsy tanys. Máselen, «Rodına», «Gormolzavod», «Qazbıf», «Kýrochka Rıaba», «Kýs-Vkýs», «Qazgerqus» jáne basqa da tanymal markalar bar.

«Atalǵan jármeńkede oblystyń shyǵarmashylyq ujymdary aýqymdy kontserttik baǵdarlama usynady. Sondyqtan, qurmetti qonaqtar men qala turǵyndary, erteń jáne arǵy kúni osy jármeńkege qatysýǵa shaqyramyz», - deıdi H. Itkýsov.

Aıta keteıik, jármeńke «Astana Arena» stadıony janynda ótedi.