Astanadaǵy jármeńke: Saýdagerler úshin arnaıy pavılondar ornatylýda
ASTANA. QazAqparat - Astanada jyl saıyn aýyl sharýashylyǵy ónimderiniń jármeńkesi ótip turady, dep xabarlaıdy QazAqparat tilshisi.
Bıyl saýdagerler jańa pavılondarda otyryp, óz taýarlaryn sata alady. Jańa úlgidegi alǵashqy pavılondar Astana ákimdigi janyndaǵy alańda ornatyla bastady. Eskızge sáıkes, árbir saýdagerdiń óz pavılony bolady. Alty buryshty saýda orny tolyǵymen shynymen qaptalǵan. Biraq pavılondar dúńgirshek tárizdi bólek-bólek turmaıdy. Úsh pavılondy biriktirip, ózgeshe bir stılde ornatyp jatyr.
"Jármeńke kezinde burynǵydaı shatyrly qalashyq jasamaıdy. Barlyq saýdagerler osyndaı zamanaýı pavılondarda otyryp, óz saýdasyn júrgizedi. Al jármeńkeden tys ýaqytty basqa maqsatta paıdalanatyn shyǵar, ıa bolmasa, múldem alyp tastaıdy. Biraq bundaı konstrýktsııalardy tasymaldaý qıyn. Sebebi shynysy kóp", - deıdi qurastyrýshy kompanııanyń jumyskerleri.
Aıta keteıik, elordada jyl saıyn ótetin aýyl sharýashylyǵy ónimderiniń jármeńkesine barlyq oblystar óz taýarlaryn ákelip, qoljetimdi baǵamen satyp turady. Byltyrǵy jármeńkeler EKSPO kórmesi kezinde bastalǵan.
