Astanadaǵy jármeńke: Qaraǵandy men Qyzylorda oblystary myń tonnaǵa jýyq ónim ákeledi
ASTANA. QazAqparat - Elordadaǵy jármeńkege Qaraǵandy men Qyzylorda oblystary myń tonnaǵa jýyq aýylsharýashylyq ónimin ákeledi, dep habarlaıdy QazAqparat qala ákimdiginiń saıtyna silteme jasap.
Aldaǵy demalys kúnderi Astana qalasynyń 20 jyldyǵyna oraı Qaraǵandy jáne Qyzylorda oblystary sharýalarynyń aýylsharýashylyq jármeńkesi ótedi.
Óńirlik aýyl sharýashylyǵy taýaryn óndirýshiler jalpy alǵanda shamamen 1 000 tonna ónim ákelýdi josparlap otyr, sonyń ishinde et jáne et ónimderi, sút ónimderi, jumyrtqa, balyq, kókónis, jemister jáne t. b.
Jármeńke «Qazaqstan» sport kesheniniń janyndaǵy alańda ótedi. Onda aýyl sharýashylyǵy taýaryn óndirýshiler jáne «Korporatsııa Qaraǵandy - NAN», «Nátıje Sút Fabrıkasy» JShS, «Eýrazıan Fýds» AQ, «Bıdaı NAN» JShS, «Fırma Tulpar» JShS sekildi óńirlik kompanııalar óz ónimderin ákeledi.
Jármeńke aıasynda baýyrsaq jáne qymyz festıvali sondaı-aq, oblystardyń shyǵarmashylyq ujymdary kontsert qoıady.
