Astanadaǵy jármeńke: Azyq-túlikter arzan baǵamen saýdalanýda
ASTANA. QazAqparat - Astanada Soltústik Qazaqstan oblysy aýyl sharýashylyǵy ónimderiniń jármeńkesi ótip jatyr, dep habarlaıdy QazAqparat tilshisi.
Jármeńkege oblystyń barlyq aýdandary men Petropavl qalasynan 115-ke jýyq kásiporyn qatysyp, olar 100-den astam taýar túrin usynýda.
Azyq-túlik taýarlaryn ornalastyrýǵa arnaıy 60 saýda shatyry quryldy. Aýyl sharýashylyǵy ónimderi jármeńkesine oblystan barlyǵy 725 tonna ónim ákelindi, onyń ishinde: cıyr eti - 35,1 tonna; jylqy eti - 18,5 tonna; qoı eti - 7,3 tonna; qus eti- 14 tonna; shoshqa eti - 3 tonna; shujyq ónimderi - 4 tonna; sıyr etinen jasalǵan konserviler- 3 tonna; kondıterlik ónimder - 1 tonna; Makaron ónimderi - 5 tonna; jarma -2,8 tonna; bal - 13 tonna; qymyz - 1 tonna; sút ónimderi - 14 tonna; sary maı - 1,3 tonna; jumyrtqa - 72 myń dana; un - 28 tonna; kartop jáne kókinister - 559 tonna.
«Bıylǵy jármeńkeniń ereksheligi bizdiń oblystan iri kólemde ónerkásip oryndary qatysýda. Elorda turǵyndarynan kóbinese qus ónimderine suranys joǵary, sol sebepti iri kólemde 14 tonna ákeldik. Budan bólek sút ónimderi jaqsy ótip jatyr, oblysta sút ónimderimen aınalysatyn 13 kásiporyn bolsa, sonyń 8-i sút jáne sút ónimderin jármeńkege ákelip otyr. Baǵa máselesine kelsek, Astananyń bazar naryǵymen salystyrǵanda 15-20% tómen baǵamen alýǵa bolady», -dedi SQO Veterenarııa basqarmasynyń basshysy Altynbek Abdýllaev.
Eki kúnge sozylatyn SQO aýyl sharýashylyǵy ónimderi jármeńkesi Astanadaǵy «Qazaqstan» sport kesheniniń janynda ótip jatyr, sonymen qatar jármeńke aıasynda merekelik kontsertte uıymdastyrylýda.
