Astanadaǵy jármeńke: Atyraý oblysy 20 tonnadan astam balyq ákeledi
ASTANA.QazAqparat - 25-26 tamyz kúnderi «Qazaqstan» sport keshenine qarasty kólik turaǵynyń mańaıynda aýylsharýashylyq ónimderiniń kezekti jármeńkesi ótedi, dep habarlaıdy QazAqparat tilshisi Astana ákimdiginiń saıtyna silteme jasap.
Atyraý oblysynyń aýyl sharýashylyǵy salasynyń qyzmetkerleri 12,5 tonna kartop, kókónister men baqsha daqyldaryn, 10 tonna et jáne 2,5 tonna sút ónimderin ákeledi. «Karat» jáne «Asyl agro» kásiporyndary 3 myń tonna konservi jáne shujyq ónimderin, «Almaly qus» kásiporny 60 myń taýyq jumyrtqalaryn usynady. Óńir balyqqa baı bolǵandyqtan, jármeńkege 20 myń tonna balyq qoıylady.
Balyq óńimderin oblystyń iri óndirýshileri usynatyn bolady. Olardyń qatarynda Atyraý qalasynyń «Amangeldi» jáne «Tilekshi» syndy 2 iri kásiporny, Qurmanǵazy aýdanyna tıesili «SevQazKaspıı» JShS, sondaı-aq, Isataı aýdanynyń «Jambyl» kásiporny bar.
Dástúr boıynsha, saýda alańynda oblystyń shyǵarmashylyq ujymdarynyń qatysýymen arnaıy kontserttik baǵdarlama kútiledi.
