Astanadaǵy jármeńke: Almaty jáne Atyraý oblystarynyń ónimderi ákelindi
ASTANA. QazAqparat - Elordada Almaty jáne Atyraý oblysynyń jármeńkesi ótip jatyr, dep habarlaıdy QazAqparat tilshisi.
Jármeńkege azyq-túlikterdiń birneshe túrleri ákelingen. Atap aıtqanda, jemis-jıdek, qymyz, shubat, et, balyq pen sút ónimderi búgin elordalyqtar úshin arzan baǵamen usynyldy. Ónimderdiń ishinde bazarda kezdese bermeıtin túıe eti de bar.
Jármeńkedegi satýshylardyń aıtýynsha, munda eń arzan baǵamen azyq-túlikterdi satyp alýǵa bolady. Rasynda da, qyzanaqtardyń kelisine 130 teńgemen, pııazdyń kelisi 80 teńgelik baǵamen satylyp jatyr. Sonymen birge, jármeńkede sıyrdyń eti kelisine 1 400, qoı eti 1 300 teńgemen saýdalanýda.
Jármeńke qalalyq ákimdiktiń uıymdastyrýymen ótip jatyr.
