Astanadaǵy jańa zıratta meshit salynýy múmkin
ASTANA. QazAqparat - Astana qalalyq perspektıvti damý bóliminiń jetekshisi Aleksandr Tereşenkonyń aıtýynsha, jańa joba aıasynda zırattyń aýmaǵynda meshit turǵyzý josparlanǵan, dep habarlaıdy QazAqparat tilshisi.
«Máselen, bolashaqta ol jerde meshit, shaǵyn shirkeý, qaza bolǵan adammen qoshtasý úıleri salynady. Jobanyń alǵashqy kezeńinde jańaǵy qoshtasý úıi salynsa, ekinshi kezeńde meshit men shaǵyn shirkeýdi salý josparlanyp otyr. Jospar boıynsha ondaı nysandar bar. Alaıda meshitpen shirkeýdiń jobasy áli ázirlengen joq. Sondyqtan tujyrymdama bolsa da, naqty sheshim qala basshylyǵynyń deńgeıinde qabyldanady», - deıdi Tereşeko.
Onyń aıtýynsha, zırat aıasyndaǵy qurylystarǵa jekemenshik ınvestıtsııalardy tartý jospary bar.
Aıta keteıik, Kókshetaý qalasyna baratyn aınalma joldyń soltústik-shyǵys jaǵynda jańa zıratty salý týraly sheshim qabyldandy. Sebebi elordanyń ishindegi jáne syrtyndaǵy zırattarda adam jerleıtin jer qalmaǵan .
