Astanadaǵy jańa ýnıversıtet stýdentter qabyldaıtynyn jarııalady
ASTANA. Naýryzdyń 13-i. QazAqparat /Marlan Jıembaı/ - Elbasy Nursultan Nazarbaevtyń bastamasymen qurylǵan Astananyń jańa ýnıversıteti stýdentter qabyldaıtynyn jarııalady. Halyqaralyq dárejedegi joǵary oqý ornynyń tanystyrylymy senbi kúni, naýryzdyń 13-inde astanalyq №60 lıtseıde ótti.
«Bıyl biz alǵashqy bazalyq kýrsty bastaımyz, ol Foundation dep atalady. Sondaı-aq University College London (Londonnyń Ýnıversıtettik kolledji) oqý ornymen kelisimge qol qoıdyq. Álemdik reıtıngide tórtinshi orynda kele jatqan bul ýnıversıtet bizge osy baǵdarlamany jasap berdi. Oqýyn bitirgen balalar osy ýnıversıtettiń sertıfıkatyna ıe bolady. Al birinshi kýrsty oıdaǵydaı bitirgen stýldentter birden óz mamandyǵy boıynsha ekinshi kýrsqa ótedi», - dep áńgimeledi jýrnalısterge Astananyń jańa ýnıversıtetiniń akademııalyq saıasat jónindegi vıtse-prezıdenti Qadısha Daıyrova.
Onyń aıtýynsha, ýnıversıtetti ashý aǵymdaǵy jylǵy shildeniń basyna josparlanyp otyr. Al qyrkúıekte stýdentterdi 50 UCL oqytýshylary bazalyq baǵdarlama boıynsha oqyta bastaıdy. Q.Daıyrova qabyldaý emthandaryn áriptes-ýnıversıtetterdiń oqytýshylary ótkizetinin aıtty. Foundation baǵdarlamasyna qujattardy resmı qabyldaý jazǵy kezeńde - maýsym-shilde aıynda ótedi. Buǵan deıin ýnıversıtet talapkerleri úshin irikteý týrynyń 2 kezeńinen ótý qajet. Qabyldaý emtıhanyn oıdaǵydaı tapsyrǵan keıbir eń talantty stýdentter memlekettik bilim granty boıynsha oqytylady.
«Biz ynta bildirýshiler kóp bolady dep úmittenemiz, bıylǵy jyly eń tańdaýly jáne laıyqty 500 adamdy qabyldaýdy josparlap otyrmyz», atap kórsetti ol.
Ýnıversıtetke túsýdiń tolyq erejesi www.nu.edu.kz saıtyna jarııalandy.
