Astanadaǵy jańa termınal men temir jol vokzalynyń qurylysy kestege saı júrgizilýde
Qazirgi ýaqytta termınal ǵımaratynyń qabyrǵalary kóterilip, qasbeti jasalýda. Eden, tóbe, bólme aralyqtarynyń qurylys-montaj jumystary men ishki ınjenerlik kommýnıkatsııalardy ótkizý jumystary júrgizilýde. Áýe kemeleri turaqtaýyna arnalǵan jańa perron salynýda.
Qurylys alańynda «Astana halyqaralyq áýejaıy» AQ jáne bas merdigerlik mekeme ókilderimen talqylaý barysynda jumys barysy belgilengen kestege saı júrgizilip otyrǵandyǵy atap ótildi.
Jańa jolaýshylar termınalynyń jalpy kólemi 47 myń sharshy metr.
Jańa termınal zamanaýı jabdyqtarmen jabdyqtalady. Servıstik qyzmet túrleriniń sapasynyń jaqsaryp, áýe tasymaly qaýipsizdigin qamtamasyz etedi.
Qazirgi Astana áýejaıynyń ótkizý qabileti jylyna 3 mln. jolaýshyny quraıdy. Astana jańa áýejaıy jylyna 7,6 mln. jolaýshyǵa qyzmet kórsete alady.
Jospar boıynsha qaıta jańartý jumystary 2017 jyldyń birinshi toqsanynda aıaqtaý josparlanyp otyr, dep habarlaıdy «Qazaqstan temir joly» UK» AQ baspasóz qyzmetinen.
A. Mamın jumys barysynda keńes ótkizgen ekinshi nysan - elordanyń jańa vokzaly ornynda qurylys jumystary qarqyndy júrgizilýde.
Kompanııa basshysyna búgingi tańda vokzalda monolıtti temir beton qaýsyrmasynyń qurylysy aıaqtalǵandyǵy baıandaldy. Oǵan 150,0 myń m³ beton jumsaldy. 30 myń tonna metall qaýsyrmasy qurastyryldy. Qasbettegi shyny aspaly júıesi qurastyrylýda. Vokzalǵa kiretin temirjol estakadasynyń qurylysy aıaqtalyp keledi. Bólmearalyq metall qaýsyrmalarynyń 25 myń tonnasy qurastyryldy.
Jańa vokzal arqyly táýligine 12 myń jolaýshy ótetin bolsa, maýsymdyq kezeńde 35 myń jolaýshy ótetin bolady. Qazirgi qoldanystaǵy vokzaldyń táýliktik jolaýshylardy ótkizý múmkindigi 7,1 myń adamdy quraıdy.
Ǵajaıyp ǵımaratty 2017 jyldyń sáýirinde paıdalanýǵa berý josparlanyp otyr.
