Astanadaǵy jańa meshitke 10 myń adam syıady
ASTANA. 28 maýsym. QazAqparat - Qala kúnine oraı Astana qalasynda «Áziret Sultan» meshiti ashylady. Jańa meshit qurylysy 2009 jyly 29 maýsymda Elbasy N.Nazarbaevtyń estelik kapsýlasy qoıylǵan sátten bastalǵan bolatyn.
Bul týraly «Báıterek» baspasóz ortalyǵy habarlaıdy.
Meshit syıymdylyǵy 10 myń adamǵa shaq. Bir mezgilde 5000-ǵa tarta adam sájdege jyǵyla alady. Onda neke qııý zaly, ekinshi jáne úshinshi qabattarda erler men áıelderge arnalǵan ǵıbadathanalar, Quran oqıtyn zal, kitaphana ornalasqan.
