Astanadaǵy jalpyqalalyq senbilikke 80 myńnan astam adam qatysýda
ASTANA. 20 sáýir. QazAqparat - Astanada qala ákimi Imanǵalı Tasmaǵambetovtyń qatysýymen dástúrli jalpyqalalyq senbilik ótýde.
Senbilik barysynda elordada kóshe jáne saıabaqtardy abattandyrý, qoqystardan tazartý jáne kógaldandyrý jumystaryn júrgizip, eskertkishter men alań mańyn jónge keltirý josparlanýda. Oǵan shamamen 80 myń adam qatysýda.
Sonymen qatar jalpyqalalyq ekologııalyq senbilik aıasynda, "Astana-Zelenstroı" AQ-men birge 2500 túrli aǵash kóshetterin otyrǵyzý kózdelgen.
Oqýshylar Uly Otan soǵysy ardagerlerimen birge elordanyń birqatar eskertkish pen monýmentter ornalasqan aýmaqty qoqystardan tazartyp, abattandyrý aktsııasyn ótkizýde. Shara 5 nysandy qamtıtyn bolady: Álııa Moldaǵulova eskertkishi, Otan qorǵaýshylar alańy men monýmenti, Otan qorǵaýshy jaýyngerler jerlengen jer jáne Baýyrjan Momyshulynyń eskertkishi. Ol jerlerde gúlder men kóshetter otyrǵyzylady, eskertkishter men monýment plıtalary jýylyp, mańy qoqystardan tazartylady.
Eske sala keteıik, Astanadaǵy jalpyqalalyq senbilik 10 sáýir men 10 mamyr aralyǵynda ótip jatqan ekologııalyq aılyq aıasynda ótkizilýde.
