Astanadaǵy jalaqy qala ómirine saı bolýy qajet - Áset Isekeshev
ASTANA. QazAqparat - Astana qalasynyń ákimdigi men Memlekettik qyzmet isteri agenttigi jalaqy tóleýdiń jańa júıesin synaqtan ótkizýge kiristi. Atalǵan jobanyń ataýy - "Ákimdiktiń transformatsııasy", dep xabarlaıdy QazAqparat tilshisi.
Qala ákimi Áset Isekeshevtiń aıtýynsha, jańa joba respýblıka boıynsha alǵash ret qolǵa alynyp otyr. "Ashyǵyn aıtý kerek, bizde jalaqy tómen. Al elordanyń ómir súrý deńgeıin eskersek, joǵary bilikti mamandardy jumysqa tartý ońaı emes. Sol sebepti biz qyzmetkerlerge qatysty talaptardy ózgerttik. Endi ákimdik men kommýnaldyq sala qyzmetkerleriniń jalaqysy jumysyna qaraı tólenedi", - deıdi Isekeshev.
"Ákimdiktiń transformatsııasy" aıasynda árbir memqyzmetkerdiń júktemesi, jumys kólemi, shtattyq kestesi, jeke jaýapkershiligi jáne taǵy basqa birqatar kórsetkishter eskeriledi. Jalaqy jumysyna qaraı tólense, árbir qyzmetkerdiń eńbekaqysy 50 paıyzǵa ósýi ábden múmkin.
Aıta keteıik , búgin elorda ákimi Áset Isekeshev astanalyq kásipkerlermen kezdesti. Kezdesýge "Atameken" UKP prezıdıýmynyń tóraǵasy Tımýr Qulybaev ta qatysty. Sol jerde qala ákimi bızneske beriletin salalardy jarııalady.
Budan bólek, qala basshysy kásipkerlerdiń "aq tizimin" engizýdi usyndy .
