Astanadaǵy velotrekte short-trekten jarys ótip jatyr
ASTANA. 1 aqpan. QazAqparat /Aıdar Ospanalıev/ - 7-Qysqy Azııa oıyndary aıasynda Astanadaǵy Respýblıkalyq velotrekte short-trekten jarystar jalǵasýda.
Munda erler men áıelder 500 metrlik ara qashyqtyqqa jarysýdan ózara synǵa túsedi. Budan soń áıelder 3000 metr al erler 5000 metr ara qashyqtyqta baq synasady.
Mamandar qazirgi tańda ońtústik koreıalyq Lı Ho Sýk júzden júırik shyǵady dep joljam jasap otyr. Óıtkeni ol osyǵan deıin olımıada chempıony atanǵan tanymal sportshy. Al áıelder arasyndaǵy eń myqtylardyń biri - Cho Ha Lı bolyp otyr. Atalmysh sportshy keshe 1 myń 500 metrlik ara qashyqtyqtaǵy jarysta úzdik shyqty. Qazaqstannyń atynan bul synda Darıa Volokıtına, Inna Sımonova, Aıdar Bekjanov, Artýr Sultanǵalıev syndy sportshylar óner kórsetedi.
