Astanadaǵy «Ýzbechka» meıramhanasy órtendi
ASTANA. QazAqparat - Elordanyń Esil aýdanynda ornalasqan «Ýzbechka» meıramhanasynan órt shyqty. Bul týraly QazAqparat QR ІІM TJK resmı ókili Rýslan Imanqulovqa silteme jasap habarlaıdy.
«Saǵat 13:38 shamasynda Esil aýdany Á.Bókeıhanov dańǵylynyń boıyndaǵy «Qyz Jibek» turǵyn úı kesheninde ornalasqan birinshi qabattaǵy «Ýzbechka» meıramhanasynda sorǵy murjadan órt shyqqan. Órttiń saldarynan 2-3 jáne 8-10 qabat deńgeıindegi syrtqy qabyrǵanyń jylytqyshtary órtengen. Ot 45 sharshy metr aýmaqty qamtyp, artynsha sorǵy murjanyń qulaǵany anyqtalyp otyr», - delingen habarlamada.
Órt sóndirý jumystary saǵat 13:57 kezinde bastalyp, saǵat 14:34-ke deıin tilsiz jaý tolyq aýyzdyqtalǵan. Zardap shekkender men jaraqat alǵandar joq. Turǵyndardy qaýipsiz jerge kóshirý jumystary júrgizilmegen. Órttiń shyǵý sebebi anyqtalyp jatyr.
