Astanadaǵy Ulttyq mýzeıde «Naýryz-Dýman» merekelik is-sharasy ótedi

ASTANA. QazAqparat - Qazaqstan Respýblıkasynyń Ulttyq mýzeıinde naýryzdyń 14-inde saǵat 16.00-de Ulystyń uly kúnin atap ótýge arnalǵan «Naýryz-Dýman» merekelik is-sharasy bastalady, dep habarlaıdy Ulttyq mýzeıdiń aqparattyq-ımıdjdik qyzmeti.

Іs-sharanyń basty maqsaty - Amal meıramyn atap ótý arqyly dástúrli rýhanı qundylyqtarymyzdy keńinen nasıhattaý, ata saltyn ardaqtaı otyryp, ult mártebesin kóterý.

Merekelik is-shara aıasynda áz-Naýryz merekesiniń atrıbýty retinde jasalǵan «Jolterek» jobasynyń tanystyrylymy ótedi.  Asyq atýdan, arqan tartýdan jarys uıymdastyrylady. Arnaıy tigilgen kıiz úıde dastarhan jaıylyp, qonaqtar naýryz kójeden dám tata alady.

Merekelik is-sharaǵa QR Parlamentiniń senatorlary, ǵalymdar, qoǵam qaıratkerleri qatysady.

Sonymen qatar, mýzeı qyzmetkerleriniń ónerpazdary kontserttik baǵdarlama usynady.