Astanadaǵy Ulttyq mýzeıde búgin «Týǵan el» atty kórme ashylady
ASTANA. QazAqparat - 25 qazanda Ulttyq mýzeıde Astana qalasy ıÝNESKO balalar kórkemsýret mektep-klýbynyń «Týǵan el» atty dıplom jumystarynyń kórmesi ashylady, dep habarlaıdy QazAqparat Ulttyq mýzeıdiń baspasóz qyzmetine silteme jasap.
Kórme jumystary qala qonaqtary men turǵyndaryn balalar shyǵarmashylyǵy arqyly halyqtyń tarıhymen, salt-dástúrlerimen, mádenıetimen jáne tirshiligimen, elimizdiń ótkenimen, búgingisimen jáne keleshegimen, jetistikterimen jáne josparlarymen, júzege asqan armandarymen tanystyrýǵa múmkindik beredi.
Mektep túlekteriniń jarqyn, aıqyn, erekshe jáne názik, armanshyl, tarıhı jáne shynaıy týyndylary óskeleń urpaq elimizdiń ótkenin, búgingisin jáne keleshegin qalaı elestetetinin kórsetedi.
Kórmege qatysýshylardyń jasy 15 pen 17 aralyǵynda. Kórmege kórkem sýret, grafıka, batık, kıim dızaıny, kıiz, zergerlik óner, toqý, aǵashqa órnek salý jáne t.b. ártúrli baǵytta oryndalǵan 50-den astam jumys qoıylady.
Túlekterdiń týyndylary ıÝNESKO basshylyǵymen ótken «Balalar álemdi salady», «Shabyt», «Neva palıtrasy» syndy bedeldi baıqaýlarda dıplomdarmen jáne maqtaý qaǵazdarymen marapattalǵan.
Kórmeniń ashylýy 25-qazan saǵat 16.00-ge josparlanǵan.
