Astanadaǵy Ulttyq mýzeıde «Berel» ǵylymı zaly ashyldy
Atalmysh zal belgili arheolog, tarıhshy Zaınolla Samashevtyń 75 jyldyq mereıtoıyna oraı ashylyp otyr.
«Bul úlken bir oqıǵa. Nege deseńiz, bizdiń Ulttyq mýzeıde arnaıy ǵylymı qor ashylyp otyr. Bul elimizdegi alǵashqy osyndaı qordyń biri deýge bolady. Bir jerden, bir óńirden shyqqan arheologııalyq dúnıeler arnaıy bir jerge saqtalyp, jańǵyrtý jumystary ýaqtyly júrgizilip turady. Sondaı-aq,oqýshylar, stýdentter, jas ǵalymdar, magıstranttar men doktoranttar ǵylymı zertteýine paıdalanady. Mundaı zaldyń bolýy asa qundy jádigerlerge restavratsııa jáne konservatsııa jumystaryn jasaýǵa yńǵaıly. Bulardyń bári bir-birimen tyǵyz baılanysty zattar. Solardy salystyrmaly turǵyda zertteý ǵalymdar úshin óte yńǵaıly», - deıdi ǵalymnyń ózi.
Aıtýynsha, atalmysh zalǵa Shyǵys Qazaqstannyń tarıhı mekenderinen tabylǵan 2 myńnan astam jádiger berippiz. Berel jazyǵynan tabylǵan alǵashqy jádigerler, keıingilerdiń ishindegi eń qundy degenderi osy mýzeı Prezıdenttik mádenı ortalyǵy bolyp turǵan kezde tabystalyp kelgen. Sonyń bári endi bir zalda saqtalmaqshy. Búgin solardyń qataryn asa qundy ǵylymı kitaptar tolyqtyryp otyr»,- dedi Zaınolla Samashev.
