Astanadaǵy Ýgolnyı kóshesi sáýirdiń 20-synan bastap avtokólikter úshin ýaqytsha jabylady
ASTANA. Sáýirdiń 14-i. QazAqparat - Astanadaǵy Ýgolnyı kóshesi sáýirdiń 20-synan bastap avtokólikter úshin ýaqytsha jabylady. Bul týraly qala ákimdiginde ótken keńeste elorda basshysynyń orynbasary Qanat Sultanbekov málim etti.
Onyń sózine qaraǵanda, Ýgolnaıa kóshesin keńeıtýmen birqatar qıyndyqtar týyndap otyr. Máselen, jol ýchaskesiniń bir bóliginde dál joldyń ústimen jańa káriz júıelerin tóseý jumystary júrip jatyr, sondyqtan kósheni josparlanǵan merzimnen eki aptaǵa buryn, ıaǵnı sáýirdiń 20-synan bastap jabý qajet.
Ákim orynbasarynyń aıtýynsha, bul ýaqytta aınalma joldar 2-shi Jylý elektr ortalyǵy baǵytymen nemese Spetsmontaj kóshesimen júzege asyrylady.
Sondaı-aq joba boıynsha 21 úı syryp tastaýǵa jatady, búgingi kúni onyń 9-y boıynsha jumystar aıaqtaldy. Q.Sultanbekovtyń aıtýynsha, ákimdik qalǵan jekemenshik ıelerimen kelise almaı, olardy sotqa berdi. Óıtkeni, olar molynan paıda tabý nıetterimen esepteýler boıynsha tıisti somadan kóp aqsha surap otyrǵan kórinedi.
