Astanadaǵy Ýálıhanov kóshesi jóndeý jumystaryna baılanysty jabylady
ASTANA. QazAqparat - Elordada Sh.Ýálıhanov kóshesiniń Abaı dańǵylynan Bógenbaı batyr dańǵylyna deıingi bóliginde nóser káriz júıeleri jartylaı aýystyrylyp, ortasha (aǵymdyq) jóndeý jumystary júrgiziledi, dep habarlaıdy qalanyń resmı saıty.
Osyǵan baılanysty 6-15 sáýir aralyǵynda kósheniń atalǵan bóliginde qozǵalys ýaqytsha toqtatylady, al 16 sáýirden 1 mamyrǵa deıin tolyǵymen jabylady.
«Jol jóndeý jumystary júrgizilgen kezeńde júrgizýshilerden qozǵalys baǵdarlaryn aldyn ala josparlaýdy suraımyz», delingen habarlamada.
