Astanadaǵy tútinmen kúres: JEO-2 kásipornyn tsıfrlandyrý usynyldy
«Kúni keshe ónerkásiptik jobalardy tsıfrlandyrý boıynsha jobalar tanystyryldy. Prezıdent óz sózinde tsıfrlandyrýǵa bolatyn ónerkásip salasyndaǵy pılottyq jobalardyń qajettiligin atap ótti. Biz Astana ákimdigine JEO-2 kásipornyn tsıfrlandyrýdy usynyp otyrmyz. Qazirgi tańda qolymyzda JEO-2 quramynyń ınjenerleri men bizdiń basshylyqtyń jiti baqylaýynan ótken reseılik seriktesterdiń usynysy bar. Eger ózara tıimdi kelisimge kelip, seriktestikke qol jetkizip jatsaq, jýyq arada tsıfrlandyrylǵan ónerkásiptik nysan paıda bolyp qalýy múmkin», - deıdi ol OKQ-da ótken baspasóz máslıhatynda.
Naqty qaı kompanııanyń usynys bildirip otyrǵan Saltanat Rahymbekova aıtqan joq. Alaıda oń sheshim shyǵyp jatsa, tolyǵyraq aqparat berýge ýáde berdi.
«Bul qazaqstandyq-reseılik birlesken kompanııa. Búgin bizde jumys babymen kezdesý ótetindikten, onyń qaı kompanııa ekenin aıtpaı-aq qoıaıyn. Astana qalasynyń ákimdiginde kelesi aptanyń seısenbisinde jıyn ótedi», - deıdi ol.
Saltanat Rahymbekova sonymen birge Qaýymdastyq, Astana ákimdiginiń qoǵamdyń keńesi men Astana shaharynyń ákimi arasynda kelisimge qol qoıylǵanyn aıtyp ótti.
«Bul óte izgi dıalog alańy. Biz búgingi kúni talqylanyp jatqan tuman máselesin sheshýdiń de joldaryn qarastyramyz. JEO-ny tsıfrlandyrý zııandy qaldyqtardy aıtarlyqtaı azaıtady», - deıdi sarapshy.