Astanadaǵy tútin máselesin qalaı sheshýge bolady

ASTANA. QazAqparat - Astana qalasynyń ákimi Áset Isekeshev elordadaǵy tútin máselesin sheshý joldaryn aıtty, dep habarlaıdy «QazAqparat» HAA.

«Ekologııa basqarmasynyń málimetinshe, lastanýdyń 50 paıyzy kólikterden jáne olardyń tym kóptiginen, janarmaı sapasynyń  nasharlyǵynan bolady. Sol sebepti biz ár segment boıynsha algorıtmder qurastyrdyq. Eki jyl ishinde JES-terge qosymsha qurylǵylar ornatý kerek», - dedi Isekeshev ındýstrııalandyrý kúni  qarsańyndaǵy jalpyulttyq telekópir barysynda.

Qala basshysy kómir men jaǵarmaıdyń sapasyna talaptar qoıylýy múmkin ekenin aıtty.

«Kólik boıynsha tapsyrma kúrdelirek. Birinshiden, dızeldi otyn sapasyna baqylaýdy kúsheıtý kerek. Ekinshiden, birinshi kezeńde kommýnaldyq tehnıkalardy gazǵa aýystyrýdy josparlap otyrmyz. Biz bul máseleni eki-úsh jyl ishinde sheshý kerek ekenin jaqsy túsinemiz», - dedi ol.