Astanadaǵy týrnır qazaqstandyq tennısshiler úshin sátsiz bastaldy
ASTANA. QazAqparat – Astanada ótip jatqan ITF World Tennis Tour «BeeTV 60 Women's» týrnıri qazaqstandyqtar úshin sátsiz bastaldy, dep habarlaıdy QazAqparat tilshisi.
Jarystyń irikteý satysynda qazaqstandyq bes jas tennısshi kortqa shyqty.
Erkejan Arystanbekova ózinen áldeqaıda tájirıbeli reseılik Ekaterına ıAshınamen matchta birinshi sette jeńiske jaqyn boldy. Esep 5:4 bolǵan mezette Erkejan eki setboldy paıdalana almady. Sodan keıin taı-breıkte 0:6-dan esepti 5:6-ǵa deıin qysqartty, biraq reseılik sportshy sátti oınaı aldy – 7:6 (7:5), 6:1.
Dana Baıdáýlet reseılik Sofıa Lansarege jol berdi – 4:6, 0:6. Aııa Nupbaı taǵy bir reseılik Tatıana Prozorovaǵa ese jiberdi – 2:6, 4:6. Sondaı-aq Sandýǵash Kenjebaeva ulybrıtanııalyq Anna Brogannan (1:6, 4:6), Janel Rústemova grýzııalyq Sofıa Shapatovadan utylyp qaldy – 6:7 (3:7), 1:6.
Endigi úmit negizgi jarysta óner kórsetetin Jibek Qulambaeva, Gózal Aınıtdınova jáne Arýjan Saǵyndyqovada.
Sondaı-aq bul dodaǵa germanııalyq Sonıa Jıenbaeva da arnaıy shaqyrtý aldy. Onyń anasy – qazaq, ákesi – polıak.
Eske sala keteıik, budan buryn Astanadaǵy jarystyń irikteý satysynda bes qazaqstandyq tennısshiniń baq synaıtynyn jazǵan bolatynbyz.
Sondaı-aq qazaqstandyq tennısshilerdiń álemdik reıtıngtegi oryndary anyqtaldy.
Foto – Qazaqstan tennıs federatsııasy
