Astanadaǵy turmysy tómen otbasylardyń úıine gaz tartýǵa 62,5 mln teńge bólindi
«Úılerge gaz tartý jumysyn jeńildetý úshin osyǵan deıin birqatar sharalar qabyldadyq: qajetti qujattar tizimi qysqardy, jaǵdaıy tómen otbasylarǵa bólinetin soma 2 ese ulǵaıdy, eseptegishter (gazdy esepteý qurylǵylary) tegin beriledi, sol sııaqty paıyzsyz nesıe berý baǵdarlamasy da bar.
Muqtaj azamattar úıine gaz qosý úshin áleýmettik kómek ala alady. Sáýir aıynan bastap materıaldyq kómek kólemi eki ese artyp, 410 myń teńgeden (130 AEK-ke deıin) asty.
Osy áleýmettik kómek boıynsha tamyz aıynda 188 otbasy ótinish bildirdi, onyń 178-ine taǵaıyndaldy. Kómek alǵandar arasynda zeınetkerler, múgedektigi bar jandar, kópbalaly otbasylar jáne t.b. bar. Jalpy somasy – 62,5 mln teńgeden astam.
Áleýmettik kómektiń bul túrin alý úshin ótinimdi egov.kz portaly arqyly berý qajet. «Kútip ustaý» baǵanynda turǵyn úıdi gazdandyrý boıynsha áleýmettik kómek, al «alýshy» baǵanynda – Jumyspen qamtý jáne áleýmettik qorǵaý basqarmasy tańdalýy qajet. Gazdandyrý jumysy Memleket basshysynyń tikeleı baqylaýynda», - dep jazdy Altaı Kólginov.
Ákimniń aıtýynsha, Saryarqa jáne Almaty aýdandary tolyqtaı kógildir otynmen qamtamasyz etilgen. 680 km astam gaz taratý jelisi salynyp, kvartalishilik jeliler tartyldy. 14 myń abonent gazǵa qol jetkizdi, 6 myńnan astam abonent tehnıkalyq shart aldy, 4,6 myńnan astam úı gaz qubyryna qosyldy. Sondaı-aq, áleýmettik nysandar gazben jabdyqtaldy.
Baıqońyr jáne Esil aýdandarynda gaz qubyryn tartý jumysy bastaldy. Ilınka (Úrker), Óndiris, Prıgorodnyı, Telman eldi mekenderi, «Family Village», «Garden Village» shaǵyn aýdandary jáne basqasynda jumys júrip jatyr. «Shubar» shaǵyn aýdanynda jobalaý jumysy bastaldy.
Al, Esil jáne Baıqońyr aýdandarynda aldymen jetkizýshi gaz qubyry, keler jyly kvartalishilik jeliler salynbaq.
Foto: instagram.com/altay_kulginov_official
