Astanadaǵy turǵyndardyń 70 paıyzy saılaýǵa qatysady
ASTANA. 29 naýryz. QazAqparat /Jasulan Amanbaıuly/ - Astanadaǵy turǵyndardyń 70 paıyzǵa jýyǵy prezıdent saılaýyna qatysady.
Bul týraly búgin QR prezıdenttigine úmitker N.Á.Nazarbaevtyń Astana qalalyq qoǵamdyq shtabynyń keńeıtilgen otyrysynda shtab tóraǵasy Ámirhan Raqymjanov málim etti.
«Bizdiń saılaýaldy «Esikten esikke» aktsııamyzdyń aıasynda shtab volonterleri turǵyndar arasynda saýalnama júrgizdi. Onyń nátıjesi kórsetkenindeı, elordadaǵy suralǵan turǵyndardyń 70 paıyzy prezıdent saılaýynda daýys beretindikterin aıtqan»,- dedi Á.Raqymjanov.
Onyń aıtýynsha, qazirgi ýaqytta shtabtyń úgit-nasıhat jumysy barlyq elordalyqtardy qamtyp úlgergen. Ondaǵy jedel-nasıhattyq toptardyń, eriktiler men senimdi ókilderdiń qyzmeti eldegi elektoraldyq belsendiliktiń artýyna jáne turǵyndardyń saılaýǵa qatysýlaryna sebepshi bolady.
«Qazirgi ýaqytta qalada 800 myńǵa tarta turǵyn bolsa, onyń 300 myńǵa jýyǵy saılaýǵa qatysa alatyn elektoratty quraıdy. Solardyń barlyǵymen úgit-nasıhat jumysy jasaldy. Árbir kóshede, árbir úı aýlasynda halyqpen kezdesýler ótkizilip, esik aldynda merekelik kóńil-kúıdegi túrli sharalar uıymdastyryldy»,-dedi shtab jetekshisi.
Sonymen birge, onyń aıtýynsha, búgingi tańda qaladaǵy barlyq mekemelerde shtabtyń 584 senimdi ókili bar. Olardyń barlyǵy óz ujymdarynda úgit-nasıhattyq kezdesýler ótkizgen.
«Bizdiń shtabtyń negizgi qyzmeti - «bolashaqta biz qandaı memleket, qandaı qala bolamyz, keleshekte Qazaqstan halqyn ne kútip tur» degen máselelerdi saılaýshylarǵa jetkizý»,-dep atap kórsetti Á. Raqymjanov.
