Astanadaǵy turǵyn úı kesheninde bolǵan órt saldarynan 5 adam aýrýhanaǵa jatqyzyldy
ASTANA. QazAqparat - Astananyń Esil aýdany, «Kamal-4» turǵyn úı kesheninde bolǵan órtten keıin on bir adam medıtsınalyq kómekke júgingen. Bul týraly QazAqparatqa QR ІІM Tótenshe jaǵdaılar komıtetiniń resmı ókili Nursultan Nurahmetov málimdedi.
Buǵan deıin 28 qańtar kúni 22:18-de Astananyń Buqar jyraý kóshesinde ornalasqan «Kamal-4» turǵyn úı kesheniniń úshinshi qabatynan órt shyqqanyn habarlaǵan edik. Turmystyq zattar men balkon órtenip, jalyn 15 sharshy metr aýdandy sharpyǵan.
Órt 22:46-da aýyzdyqtalyp, 22:58-de tolyqtaı sóndirildi. Turǵyndardyń bir bóligi qaýipsiz jerge ózderi shyqqan. Oqıǵa ornyna shuǵyl jetken órt sóndirýshiler 25 adamdy, sonyń ishinde 10 balany qutqardy.
