Astanadaǵy turǵyn úı kesheni mańynda qamystan órt shyqty
ASTANA. QazAqparat – Elordalyq «Brıýssel» turǵyn úı kesheni mańyndaǵy qamystan órt shyqty, dep habarlaıdy QazAqparat Astana TJD baspasóz qyzmetine silteme jasap.
«3 mamyr kúni saǵat 20:50-de Astana TJD Órt sóndirý bólimsheleri Qaıym Muhamedhanov kóshesi, 28a mekenjaıy boıynsha shaqyrýǵa shyqty. Órt sóndirýshiler kelgende shamamen 400-500 sharshy metr aýmaqta qamys pen qurǵaq shóptiń janǵanyn anyqtady», - dep jazdy elordalyq TJD.
Mamandar órtti oqshaýlaı aldy.
«Qamys órti toqtatyldy, shamamen 1000 sharshy metr aýmaq órtenip ketken. Ony sóndirýge qalalyq TJ departamentiniń jeke quramynan 14 adam jáne 3 tehnıka jumyldyryldy», - dep tolyqtyrdy vedomstvo.
