Astanadaǵy túngi klýbta barmen esirtki satqan
Kúdikti óziniń jumys ornynda – túngi klýbtyń bar ústelinde mefedron satýdy uıymdastyryp, jastardy azǵyrǵan.
Astana qalasy prokýratýrasynyń ókimi sheńberinde jáne ony úılestirý kezinde jedel-izdestirý is-sharalary keshenin ótkizgennen keıin jetkilikti dáleldeme bazasyn alyp, Astana qalasy Esirtki qylmysyna qarsy is-qımyl basqarmasynyń qyzmetkerleri esirtkini oıyn-saýyq oryndarynda ótkizgeni úshin túngi klýbta barmen bolyp jumys isteıtin jas jigitti ustady.
Budan ári tergeý amaldary ustalǵan azamattyń turǵylyqty mekenjaıy boıynsha jalǵastyryldy.
– Ustalǵan azamattyń dosymen birge jalǵa alǵan páterin tintý kezinde «kannabıs» jáne «sıntetıkalyq» toptyń esirtki zattary da tárkilendi. Bul shamamen 20 dana bir rettik dozany quraıdy. Ustalǵan azamat aldaǵy kúnderi ony ótkizýdi josparlaǵan, – dedi elordalyq Polıtsııa departamenti Esirtki qylmysyna qarsy is-qımyl basqarmasy bastyǵy Rýstam Gasızov.
Jedel-izdestirý is-sharalary barysynda barlyǵy 4 gramm mefedron jáne 11 gramm gashısh tárkilendi. Esirtkini asa iri mólsherde ótkizý faktisi boıynsha sotqa deıingi tergeý amaldary júrgizilip jatyr.
Kúdiktiniń múlki tárkilendi. Ustalǵan azamat Astana qalasy PD Ýaqytsha ustaý ızolıatoryna qamaldy. Ol on jyldan on bes jylǵa deıin bas bostandyǵynan aıyrylýy múmkin.
Foto: polisia.kz
