Astanadaǵy tóbelesken avtobýs júrgizýshileri jumystarynan bosatyldy
ASTANA. QazAqparat - Ótken aptada Astanada janjalǵa qatysqan avtobýs júrgizýshileri jumysynan bosatyldy. Bul týraly búgin Astanada ótken baspasóz máslıhatynda elordadaǵy Kóliktik baqylaý qyzmetiniń jetekshisi Muhtar Jumádil málim etti.
«Atalmysh oqıǵaǵa baılanysty Kóliktik baqylaý qyzmeti (KBQ) janjalǵa qatysqan barlyq adamnan túsinikteme aldy. Jelide mundaı jaǵdaıǵa jol berilmeıdi. Eki jaqta Jol erejesi tártibin jáne jolaýshylar men júk tasymaly erejesin buzǵan. Biraq, bergen túsiniktemelerine sáıkes eki jaq ta ishki ister organdary men medıtsınalyq mekemelerge júginbegen. Janjalǵa qatysqan barlyq adamǵa qatań sógis jarııalanyp, qaıta jumysqa qabyldaný quqyǵynynan aıyrylyp, jumystan shyǵarylady. Tártip buzýshylar avtobýs parkteriniń «qara tizimine» engizildi»,-dedi M. Jumádil.
Onyń aıtýynsha, bul janjal bastapqyda «Kóktemniń» mańynda bastalǵan edi. ıAǵnı olar ózara jarysqan kórinedi. Tekseris barysynda janjaldy bastaǵandar anyqtaldy. Alty adamnyń ishinde beseýi búgin avtoparkten qyzmetinen bosatylady.
Atalǵan fakti boıynsha tóbeleske qatysqan qyzmetkerler shaqyrtylǵan. Bul retti úsh júrgizýshi men úsh kondýktor anyqtaldy. Atap aıtqanda, 4 qyzmetker 8-shi avtoparkte, al ekeýi 9-avtoparkte jumys istegen.
Esterińizge sala keteıik, 2016 jyldyń 9 qyrkúıeginde Alash tas jolyndaǵy «Kók bazar» aıaldamasynda №39 avtobýstyń júrgizýshisi men kondýktory jáne №120 avtobýstyń júrgizýshisi men kondýktory arasynda janjal oryn alǵan bolatyn. Osyǵan sáıkes qyzmettik tekserý jumystary júrgizildi.
Onyń sózine qaraǵanda, kún saıyn Kóliktik baqylaý qyzmeti jolaýshylar tasymaly salasynda tártip buzýshylyqty anyqtaý boıynsha jumystar atqarady. 2016 jyldyń 3 qańtary men 9 qyrkúıegi arasynda KBQ ınspektorlary 19 túrli 4 010 tártip buzýshylyq anyqtady. Osy tártip buzýshylyq negizinde avtobýs parkteri júrgizýshiler men kondýktorlardy tártiptik jazaǵa tartyp, aıyppul saldy.
