Astanadaǵy Tilendıev dańǵyly ýaqytsha jabyldy
ASTANA. QazAqparat - «Qutty meken» turǵyn úı kesheniniń qurylysyna jer bólinýine baılanysty nysannyń qurylys jumystary júrgizilip jatqan kezeńde Tilendıev dańǵylyndaǵy jol kólik qozǵalysy úshin jabyq bolady dep habarlaıdy elorda ákimdiginiń medıa ortalyǵy .
«Saryarqa aýdanyndaǵy Kóktal-2 eldi mekeniniń Tilendıev dańǵylynda ornalasqan japsarlas salynǵan úı-jaılary men parkıngi bar kóppáterli turǵyn úı kesheni» jobasy aıasynda «Qutty meken» TK qurylysyna baılanysty 2017 jyldyń 28 qarashasynda saǵat 14:30-da kólik qozǵalysyna shekteý qoıylady. Tilendıev dańǵylyndaǵy qozǵalys nysannyń qurylysy aıaqtalǵan soń ashylatyn bolady.
Tilendıev dańǵylyndaǵy qozǵalysty Qaınar kóshesi aýystyra alady.
Astana qalasynyń ІІD jol qozǵalysy qaýipsizdigin qamtamasyz etý maqsatynda qozǵalys baǵytyn aldyn ala josparlaýdy suraıdy.
