Astanadaǵy teatr halyqaralyq syılyqqa ıe boldy
ASTANA. QazAqparat - Astanadaǵy M.Gorkıı atyndaǵy orys drama teatry KSRO halyq ártisi Kırıll Lavrov syılyǵyna ıe boldy, dep habarlaıdy «QazAqparat» HAA teatrdyń baspasóz qyzmetine silteme jasap.
Marapattaý rásimi Sankt-Peterbýrgtegi «Reseıdegi kezdesýler» HH mereıtoılyq halyqaralyq teatr festıvali aıasynda ótti. Syılyqty «Baltyq úıi» teatr-festıvaliniń aktery Konstantın Anısımov tabys etti.
Orys drama teatry «Evgenıı Onegın» qoıylymynan keıin, 2018 jyldyń qyrkúıeginde Máskeýde ótetin kelesi festıvalge shaqyrtý aldy.
Aıta keteıik, «Reseıdegi kezdesýler» teatr festıvaliniń mereıtoıy Qazaqstan astanasynyń mereıtoılyq datasymen tuspa-tus kelgen.
Eske salaıyq, Kırıll Lavrov atyndaǵy syılyǵymen shetelde jumys isteıtin úzdik orys teatrlary marapattalady. Bul syılyq 2008 jyldan beri berilip keledi.
