Astanadaǵy «Taýyq-grıl» saýda pavılonynda bolǵan órt saldarynan er adam aýrýhanaǵa jetkizildi - QR TJM
ASTANA. 6 jeltoqsan. QazAqparat -Astanadaǵy «Taýyq-grıl» saýda pavılonynda bolǵan órt saldarynan 29 jastaǵy er adam aýrýhanaǵa jetkizildi, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmeti taratqan aqparatqa súıensek, oqıǵa elordada jeksenbi kúni túske jaqyn bolǵan. Qutqarýshylardyń málimeti boıynsha, jalynnyń aýmaǵy 6 sharshy metrdi qurady.
«5 jeltoqsan kúni saǵat 11.56-da «Jastar» saýda úıine qarama-qrasy ornalasqan «Taýyq-grıl» saýda pavılonynda órt shyǵyp, tilsiz jaý saǵat 12.22-de aýyzdyqtaldy. Órtti sóndirýge QR TJM Astana qalasy Tótenshe jaǵdaılar departamentiniń jeke quramyndaǵy 14 adam men 2 tehnıka jumyldyryldy», - dep habarlady QR Tótenshe jaǵdaılar mınıstrliginiń baspasóz qyzmeti.
