Astanadaǵy Táýelsizdik saraıy dırektorynyń orynbasaryna qatysty qylmystyq is qozǵaldy
ASTANA. 7 mamyr. QazAqparat - QR Ekonomıkalyq qylmysqa jáne sybaılas jemqorlyqqa qarsy kúres agenttiginiń Astana qalalyq departamenti «Táýelsizdik saraıy» MKK dırektorynyń kommertsııalyq máseleler jónindegi orynbasaryna, osy kásiporynnyń memlekettik satyp alýlar bóliminiń bastyǵyna jáne taǵy da birqatar tulǵalarǵa qatysty qylmystyq is qozǵady.
Qarjy polıtsııasynyń aqparatyna qaraǵanda, olarǵa QR Qylmystyq Kodeksiniń 311-shi baby boıynsha para aldy degen aıyp taǵylýda.
«2013 jyldyń naýryzy men sáýiri aralyǵynda olar «Arlan Sıstems NS» JShS-nyń dırektory azamat M-nan nysandy órtten qorǵaý jáne MKK-nyń órt sóndirý júıesine qyzmet kórsetý qyzmetterin memlekettik satyp alý týraly kelisimshartty jasasýǵa járdemdeskenderi úshin 576 myń teńge somasynda para alǵan», - delingen habarlamada.
Vedomstvo tergeý múddesine oraı oqıǵanyń mán-jaıyn tolyq habarlaǵan joq.
