Astanadaǵy Táýelsizdik dańǵyly boıyndaǵy kópir qurylysy nege uzaqqa sozyldy – ákimniń jaýaby

NUR-SULTAN. QazAqparat – Altaı Kólginov elordadaǵy Táýelsizdik dańǵyly boıyndaǵy kólik kópiriniń qurylysy nelikten uzaqqa sozylǵanyn túsindirdi, dep habarlaıdy QazAqparat tilshisi.

«Kópir salý jobasy nege eki jylǵa sozyldy? Sebebi eki merdiger 1,5 jyl boıy sottasty. Al qala turǵyndary bul kópirdi kútip otyrdy. Biz bıznestiń múddesin de eskerýge tyrystyq. Degenmen sońynda kópir qurylysyna jarııalanǵan baıqaýdy toqtatyp, ony qaıta jarııalaýǵa týra keldi. Osy aralyqta ınflıatsııa deńgeıi ósti, metall konstrýktsııalary qymbattady. Osyǵan baılanysty bul jobany qaıta qarap, túzetýler engizdik», - dep túsindirdi qala ákimi Altaı Kólginov.

Eske salaıyq, Táýelsizdik dańǵyly boıyndaǵy Esil ózeni arqyly ótetin kópir salynatyny týraly 2018 jyly belgili bolǵan edi. Al onyń qurylysy 2019 jyly bastalýy tıis bolatyn. Ol áli tolyq salynyp bitken joq.