Astanadaǵy tamyz keńesine 1600 pedagog qatysady
ASTANA. 27 tamyz. QazAqparat - Erteń, tamyzdyń 28-i kúni Astanada ótetin elorda pedagogtarynyń tamyz keńesine 1 600 ustaz qatysady.
Bul týraly búgin astanalyq mektepterdiń jetistikterine arnalǵan kórmeniń ashylý saltanatynda Bilim berý basqaramasynyń bastyǵy Ásıma Bımendına málim etti.
«Endi, biz barlyq 10 myń muǵalimdi shaqyrý múmkin emes. Sondyqtan erteńgi tamyz keńesine tek 1600 ustaz ǵana qatysa alady. Olar ózara tájirıbe almasyp, ony ári qaraı damytady degen úlken úmit bar», - dep atap kórsetti Á.Bımendına.
Aıta keteıik, erteń, tamyzdyń 28-i kúni Kongress-holl saraıynda elorda pedagogtarynyń 2012 jylǵy tamyz keńesi ótedi. Іs-sharanyń bıylǵy taqyryby - «Bilim berý júıesin jańǵyrtý - adamı kapıtaldyń sapaly ósýiniń basty baǵyty». Tamyz keńesiniń saltanatty ashylý rásiminde qala ákimi I.Tasmaǵambetov sóz sóıleıdi dep kútilýde.
