Astanadaǵy taekvondodan WTF Gran-Prı týrnırine álem elderinen 50 komanda qatysady

Bul týraly Taekvondodan memlekettik jattyqtyrýshy, 2008 jylǵy Beıjiń Olımpıadasynyń qola júldegeri Arman Chılmanov málim etti.

«Astanaǵa taekvondodan Gran-Prı týrnırine qatysý úshin 50 elden 200-den astam sportshy keldi. Olardyń qatarynda Olımpıada jáne Álem chempıonattarynyń júldegerleri men jeńimpazdary bar. Gran-Prıge álemdik reıtıngtegi úzdik sportshylar ǵana shaqyrylady. Jarys 8 olımpıadalyq salmaq boıynsha ótedi. Aıta keteıin, taekvondodan osyndaı deńgeıdegi jarys bizdiń elde alǵash ret ótkeli otyr», - deıdi A.Chılmanov.

Onyń sózine qaraǵanda, Qazaqstan namysyn bul baıraqty básekede 9 sportshy qorǵaıdy. Olardyń qatarynda álemde eń úzdik 30 taekvondoshynyń ishine kiretin Ferýza Ergeshova da bar. Bıyl ol «Koreıa Oýpen» týrnırinde kúmis ıelengen bolatyn.

Reıtıngtik upaılarmen qatar bul dodada aqshalaı syıaqy da qarastyrylǵan. Jeńimpaz 5000 AQSh dollaryna ıe bolady, ekinshi oryn úshin - 3000, úshinshi orynǵa 1000 dollar tabystalady.