Astanadaǵy sybaılas jemqorlyq jaılaǵan qurylymdar ataldy

ASTANA. QazAqparat - Astana ákimdiginde sybaılas jemqorlyqqa qarsy kúres máseleleri boıynsha jınalys ótti. Oǵan qalalyq máslıhat depýtattary, ákimdiktiń basqarma jáne kommýnaldyq kásiporyn jetekshileri, mektep, kolledj, balabaqsha dırektorlary qatysty.

Astana ákiminiń orynbasary Andreı Lýkın jergilikti atqarý organdarynda sybaılas jemqorlyqqa qarsy jumystar júrip jatqanyn aıtty.  Ákimdik qurylymynyń jemqorlyq jaǵdaıy jaıly Sybaılas jemqorlyqqa qarsy ulttyq bıýro tóraǵasynyń orynbasary Alık Shipekbaev áńgimeledi.

«Quqyqtyq statıstıka málimetterine súıensek, ishki ister organdary,  onyń ishinde jergilikti polıtsııa qyzmetteri, sondaı-aq memlekettik kiris organdary eń jemqor astanalyq qurylym bolyp sanalady. Mektepke deıingi jáne mektepte bilim berý salalarynda da jemqorlyq jalǵasýda», - dep jazylǵan habarlamada.

Astanadaǵy sybaılas jemqorlyq qylmystarynyń eń kóp taraǵan túri óz qyzmetin asyra paıdalaný, alaıaqtyq jáne para alý eken.