Astanadaǵy «sur» jyldamdyq ólsheýishter 911 zań buzýshylyqty tirkedi
ASTANA. QazAqparat - Elordada 21 «Vokord-Tsıklop» apparattyq-baǵdarlamalyq kesheniniń kómegimen osy kúnge deıin jol qozǵalysy erejelerin buzýdyń 911 jaǵdaıy tirkeldi, dep habarlaıdy Astana qalasynyń Jergilikti polıtsııa qyzmeti.
Astana qalasy ákimdigi baspasóz qyzmetiniń habarlaýynsha, atalǵan quraldar 25 aqpanda qoldanysqa engizildi. Olardyń ereksheligi kólik jyldamdyǵyn radarlyq nemese optıkalyq ádispen anyqtaý, bul rette syrttaı jumys isteý belgileri bilinbeıdi. Sonymen qatar, jańa jyldamdyq ólsheýish quraldary túngi ýaqytta memlekettik nomerlerdi kórýge bolatyn arnaıy IQ-projektorlarmen jabdyqtalǵan.
Júrgizýshilerdi eskertý maqsatynda aqparattandyrý belgileri ornatyldy.
Jyl basynan beri Astana qalasynyń ІІD Jergilikti polıtsııa qyzmeti kólikti durys qoımaǵany úshin 1000 astam júrgizýshige aıyppul salǵan. Kólik quraldaryn turaqqa qoıý erejelerin buzǵany úshin 10-50 AEK mólsherinde aıyppul qarastyrylǵan.
