Astanadaǵy sýly-nýly býlvarda qosymsha beınebaqylaý kameralary ornatylady
ASTANA. QazAqparat - Astanada Túrkisten kóshesinen Orynbor kóshesinen deıingi sýly-nýly býlvar aýmaǵyndaǵy qurylys jumystary aıaqtaldy. Qazirgi ýaqytta bul oryndarda qaýipsizdikti kúsheıtý úshin qosymsha beınekameralar ornatylady, dep habarlady Astana qalasy ákimi apparatynyń baspasóz qyzmeti.
Kommýnaldy sharýashylyq basqarmasynyń habarlaýynsha, búgingi kúni býlvarda granıt baǵanany bezendirgen 10 shar shaǵylǵan, ári joǵalǵan. Osy tektes buzaqylyqtyń aldyn alý jáne qaýipsizdikti kúsheıtý úshin qosymsha beınekameralar ornatylady, delingen habarlamada. Sonymen qatar, aǵymdaǵy jyly maýsym aıynyń ortasynda Astana qalasynda «Qala tirshiligin keshendi qamtamasyz etý júıesi» qanatqaqty jobasyn júzege asyrý bastaldy. Osynyń aıasynda qalada 100 beınekamera ornatyldy.
