Astanadaǵy sýda qutqarý qyzmeti shomylý naýqanyna ázir
ASTANA. 31 mamyr. QazAqparat - Astanadaǵy sýda qutqarý qyzmeti aldaǵy shomylý naýqanyna daıar.
Bul týraly búgin Astana qalasynyń Tótende jaǵdaılar departamenti sýda qutqarý qyzmetiniń quramdaryn qaraý sharasy barysynda atalǵan qyzmettiń bastyǵy Georgıı Savrýk málim etti.
Osyǵan oraı búgin Astana qalasynyń sýda qutqarý qyzmetiniń mamandary óz daıyndyqtaryn pash etti. Súńgýir mamandardyń qatysýymen qoldan jasalǵan maneken qutqarylyp, oǵan alǵashqy medıtsınalyq kómek kórsetildi. Sýda qutqarý qyzmetiniń bastyǵy Georgıı Savrýktyń aıtýynsha, Esil ózeniniń stansasy adamdy qutqarýǵa qajetti barlyq quraldarmen jabdyqtalǵan. «Álbette, bas kezinde qıyndaý boldy. Sonyń saldarynan 1999-2000 jyldary birshama adam ólimi de oryn aldy. Qazir bolsa, bizde «ıAmaha», «Merkýr» markaly motorlar, «Gladıýs» serııaly katerler, sondaı-aq san alýan qaıyqtar bar. Al súńgýirlerdiń kıimi 40-60 metr tereńdikke deıin túsýge múmkindik beredi», - deıdi G.Savrýk.
Aıta keteıik, búginde Esil ózeniniń shomylý aımaǵynda sýdyń tereńdigi - 3-5 metr, al «Ramstor» saýda úı tusynda 6 metrge deıin jetedi.
