Astanadaǵy sý qubyrlarynyń 47 paıyzy tozǵan
ASTANA. Naýryzdyń 25-i. QazAqparat /Jasulan Amanbaıuly/ - Astanadaǵy sý qubyrlarynyń 47 paıyzy tozǵan. Bul týraly búgin tabıǵı monopolııalardy retteý agenttiginiń Astana qalasy boıynsha departamentinde «Astana sý arnasy» MKK-niń normatıvtik shyǵyndaryn bekitýge arnalǵan qoǵamdyq tyńdaý barysynda kásiporyn basshysy Ýálıhan Dosaev málim etti,
dep habarlady QazAqparat.
Ý. Dosaevtyń aıtýynsha, jylý jelileriniń energııa saqtaýǵa beıimdelmegendigi, qaladaǵy qubyrlardyń eskirýi sý tarıfteriniń qunyna qatty áser etedi.
Bıylǵy bergen ótinimde atalmysh kásiporyn tehnıkalyq shyǵyn kólemin azaıtyp, ony 22,45 paıyz deńgeıinde bekitýdi surap otyr. Byltyr bul kásiporynnyń tehnıkalyq shyǵyn deńgeıi 23 paıyz kóleminde bekitilgen bolatyn.
Qoǵamdyq tyńdaý formatynda ótkizilgen jıynǵa qala turǵyndary, qoǵamdyq uıymdardyń jáne «Nur Otan» HDP-nyń ókilderi qatysty.
TMRA Astana qalasy boıynsha departamenti bastyǵynyń mindetin atqarýshy Asqar Ermaǵambetovtiń aıtýynsha, búgingi kúni Agenttik energoúnemdeý, sonyń ishinde tehnıkalyq shyǵyndardy azaıtý baǵytynda jumystar atqarýda.
